Përvoja ime me YAC-në është shumë e kënaqshme, bile edhe para projektit gjatë fazës së përgatitjes së dokumenteve. Projekti ku kam marrë pjesë ka qenë përvojë shumë e mirë dhe ekipi i përzgjedhur nga Kosova ishte njëri nga ekipet më të mira që kam punuar ndonjëherë.
Ishte hera ime e parë që kam marrur pjesë në një projekt të tillë jashtë Kosovës dhe ishte diçka e mrekullueshme. Kemi mësuar shumë gjëra të reja dhe kemi njohur njerëz të rinj, me të cilët kemi krijuar ëri mjaft të mirë dhe vazhdojmë të kemi kontakt edhe tani. Ishte një organizim, udhëtim dhe një eksperiencë e paharruar.
“Explore your potential” ishte një përvojë e mirë e shkëmbimit të përvojave me të rinjë nga Europa. Ky trajnim na ka ndihmuar në eksplorimin e aftësive tona dhe mënyrave të reja të mësimit. Profesionalizmi i trajnuesve dhe kreativiteti e bashkëpunimi i treguar nga pjesëmarrësit e tjerë krijuan një atmosferë që e bënin secilin të ndihej shumë komod në shprehjen e lirë të mendimit dhe pjesëmarrjen në aktivitete e organizuara gjatë sesioneve të këtij trajnimi.
Unë në këtë program kalova shumë mirë. Ishte nje eksperiencë e paharruar, shkëmbime përvojash që më ndihmuan shumë. Kjo ishte eksperienca më e mirë që kam kaluar në jetë.
Eksperienca ime me YAC ka qenë në BalsiKa në Francë. Lirisht mund të them se ka qenë një ndër përvojat e mia më të mira jetësore, edhe pse më herët kam qenë në shumë programe të tilla. Një ndër kujtimet më të mira do të jetë udhëtimi në Francë. Duke njohur njerëz të rinj, kultura të reja dhe shumë përvojë në disa fusha të jetës dhe gjithashtu mos ta anashkalojmë faktin e njohjes së shumë vendeve të reja e të pa vizituara më herët.
BalsiKa ka qenë një etnomuzikologji ku kemi pasur mundësi të shprehim dijen e të ndajmë përvojat me të rinjtë e shumë shteteve, ka zgjatur 9 ditë ku secila ishte më e suksesshme se tjetra me prova e koncerte. Ka qenë një eksperiencë e pa harruar! … Falemnderit YAC për mundësinë e dhënë!
Në fakt ishte një përvoje e mrekullueshme!
Kam mësuar shumë gjëra të reja përveç qëllimit kryesor se si të krijojmë mënyra të reja në çasjen tonë ndaj të rinjve. Ishte një javë e ngjeshur dhe aktive, por poashtu një javë e mrekullueshme dhe shumë kenaqësi!
Kam njouhur njerëz shumë të mirë të cilet i kam shokë tani. Kjo përvojë padyshim do të më ndihmojë dhe do të më shërbejë në të ardhmen!
Ka qenë një eksperiencë e mahnitshme për mua pasi që ishte hera e parë që merrja pjesë në aktivitete jashte vendit, Kosovës. E kam pritur se do të takoj njerëz me kultura të ndryshme dhe nga vende tjera dhe pa dyshim kanë qenë njerëz të nivelit të madh kulturor. Qyteti i Kotorit është një histori në vete, qytet shumë i bukur, kulturor dhe turistik. Po ashtu edhe anëtarët e tjerë të Balsika-s së Kosovës kanë qenë në nivel dhe shumë të përshtatshëm, për muzikë dhe kulturë. Dhe më duhet t’i cekë kryesuesit e Balsikas Perrete dhe Jean Cloude, kanë qenë fantastik, kishim përkrahje prej tyre tërë kohën. Sa i përket koncerteve gjatë performimit, patëm përkrahje nga publiku shumë, sidomos në koncertin e fundit apo përmbylljes së Balsikas, aty ku e dhamë maksimumin tonë, dhe për mua doli diçka e mrekullueshme.
Eksperienca ime në Balsika që u mbajt në Kotor, Mal të Zi ishte MAHNITËSE! Mësova shumë gjëra të reja, mësova për muzikën e vendeve të ndryshme, gjuhën, traditat dhe kulturat e tyre. Atje kemi marrë pjesë si një grup, e jo si një person solo dhe kjo gjë mua më ka dhënë më shumë vetëbesim dhe kurajo për të performuar në skenë. Kjo eksperiencë më ka motivuar aq shumë, sa që do të jetë një kujtim i së mirës për të ardhmen time në karrierë. Me një fjalë ishte nje eksperiencë dhe një udhëtim i “paharruar”!
Organizimi dhe programi ka qenë shumë mirë dhe koha e kaluar me pjesëmarrësit e tjerë nga Turqia, Gjermania, Estonia, Latvia etj. ka qenë një kënaqësi e veçantë. Ka pasur aktivitete në grup më së shumti, kemi kryer teste vlerësuese të tipeve të ndryshme të intelegjencës dhe gjatë prezantimeve kemi mësuar dhe jemi aftësuar në aspekte të ndryshme. Perveç kësaj diçka tepër e bukur ka qenë bashkëveprimi me pjesëmarrësit e tjerë; gjërat që kemi mësuar nga njëri-tjetri. Ka qenë përvoja më e mirë për mua deri tani.
Ishte shumë eksperiencë e mirë të njoftohesha me njerëz të rinj të kombësive të ndryshme dhe të ndaja eksperienca me ta. Gjithashtu, edhe projektet që u zhvilluan më ndihmuan shumë të mësoj gjëra të reja në lidhje me kulturat e ndryshme.
Njëra ndër eksperiencat e mija më të mira ishte Blasika në Francë. Ky projekt përveq që na mundësoi t’i shprehim talentet tona, na mundësoi që të njoftohemi me njerëz të kulturave të ndryshme, ku shoqëria me këta njerëz të bënte të ndihesh me fat që je në mesin e tyre, pastaj na mundësoi t’i shohim disa gjëra ndryshe nga ato të cilat jemi mësuar t’i shohim në vendin tonë dhe shumë gjëra të tjera që secili njeri do të ndjehej krenar që ka qenë pjesë e një eksperience të tille, ashtu sikur unë dhe shumë të tjerë që ishin pjesë e Blasika.
Pjesëmarrja në Balsika 2018, Francë ishte jo vetëm një përvojë në vete por dhe një krijim i ri këndvështrimi.
Interpretimet në koncerte, shëtitjet e bëra së bashku dhe mbi të gjitha bisedat gjatë të cilave kuptonim dhe më shumë për diversitetin tonë kulturor, është më e pakta që mund të përmendet nga këto ditë. Nga se gjithmonë ishte “ne dhe orkestra jonë”, brenda secilës fshihej i gjithë frymëzimi për të jetuar brenda secilës notë muzikore.
Me fjale të tjera, ndjehem më se mirënjohëse dhe e lumtur që pata fatin të isha pjesë e këtij programi dhe të merrja si shembull bashkpunimin, mikpritjen dhe organizmin e mirëfilltë të çdo çasti.
Pjesëmarrja në Balsika-France 2018 ishte njëra ndër eksperiencat më të bukura! Ky projekt ishte një mundësi mjaft e mirë për të shfaqur talentet tona, për të njohur njerëz prej vendeve të huaja, kulturat e tyre, si dhe ti shkëmbejmë njohuritë dhe traditat tona muzikore! Ndjehem me fat që pata mundësinë të jem pjesë e këtij rrugëtimi të paharrueshëm!
Pjesëmarrja në Balsika 2018 Francë ishte një projekt që deri më tani nuk është realizuar në vendin tonë. Një mundësi shumë e mirë për të rinjtë të cilët e duan muzikën, një shkëmbim provojash me shumë përkushtim dashuri nga persona të panjohur. Nga ky projekt përveq njohurive të shumta që fitova për muzikën, gjatë asaj kohe fitova shoqëri të re, dashuri, respekt dhe njohuri të reja për kultura të shteteve të ndryshme. Faleminderit shumë grupit dhe organizatorëve që nga çdo ditë më ofruan momente të pa harrushme.